你知道嗎?秋天豪德寺有一千隻招福貓

你知道嗎?秋天豪德寺有一千隻招福貓

Helloo 我係Edwin,豪德寺位於東京23區嘅世田谷區,最出名就係寺入面有一大堆招財貓。唔淨止招財貓,寺廟入面嘅紅葉呢亦都好靚,喺涉谷轉東急田園都市線,搭到去三軒茶屋,再轉東急世田谷線,轉線嘅時候留意,要穿過一個商場,先至可以去到世田谷線。搭到宮之阪站,步行五分鐘就會到㗎喇。又或者可以搭小田急,到達豪德寺站,行十分鐘就會到。

世界上關於招財貓嘅來源,有好多個故事,其中一個故事就係有一個人經過間寺廟嘅時候,見到一隻白色嘅貓對住自己招手,咁條友呢就覺得好不可思議,就跟住隻貓入咗去呢間寺廟,點知轉個頭,天氣就突然變差,行雷閃電雷擊打落黎,佢就因為隻貓嘅招手,而避過咗一劫,呢條友對隻貓好感恩,將寺廟改建,慢慢豪德寺就不斷發展。都根據呢一個故事,製作招福貓作為擺設嘅吉祥物,隻貓無攞住金幣佢哋係叫招福貓,有興趣買貓嘅話,喺隔離會有寺務所可以買唔同大小嘅招福貓

Sources of article:
https://www.youtube.com/watch?v=xYqdspmwUQw